Inspektorati Shtetëror i Punës dhe Shërbimeve Shoqërore zhvilloi më 19.03.2026 Analizën Vjetore të Punës 2025, në prani të Ministres së Ekonomisë dhe Inovacionit, znj. Delina Ibrahimaj, dhe Kryeinspektorit të Përgjithshëm, z. Dashnor Sula.
Ministrja Delina Ibrahimaj vlerësoi angazhimin e Inspektoratit të Punës në formalizimin e marrëdhënieve të punës dhe përmirësimin e standardeve të sigurisë dhe shëndetit në punë, duke theksuar rëndësinë e vijimit të reformave dhe zbatimit të strategjive për rritjen e cilësisë së kontrollit dhe përgjegjshmërisë institucionale. Ajo nënvizoi gjithashtu se reforma e inspektimeve përfaqëson një moment kyç në modernizimin e kontrollit shtetëror, duke synuar një inspektim më profesional dhe më efikas, në përputhje me standardet europiane, si dhe ndërtimin e një tregu pune të drejtë, transparent dhe konkurrues. Kryeinspektori z. Eljo Muçaj theksoi se viti 2025 shënon një progres të rëndësishëm në rritjen e efektivitetit të inspektimeve dhe në forcimin e rolit të institucionit si garant i të drejtave të punëmarrësve. Përdorimi i teknologjive të avancuara, analizës së riskut dhe mjeteve digjitale në terren ka rritur objektivitetin, transparencën dhe efektivitetin e veprimtarisë inspektuese. Lufta kundër informalitetit dhe forcimi i sigurisë dhe shëndetit në punë, veçanërisht në sektorët me risk të lartë, mbeten prioritete kryesore.
Kryeinspektori i Përgjithshëm theksoi se toleranca ndaj informalitetit ka përfunduar, duke paralajmëruar masa të forta ndaj çdo subjekti që shmang detyrimet ligjore apo cenon të drejtat e punëmarrësve. Siguria në punë mbetet një detyrim i panegociueshëm dhe çdo neglizhencë do të përballet me sanksione të rrepta.Inspektorati i Punës mbetet i angazhuar për një treg pune më të sigurt, më formal dhe në përputhje me standardet e Bashkimit Europian.
